0

3.-6.nóvember

Mánudagurinn 3.nóvember

Vetrarfrí, engin kennsla.

Miðvikudagurinn 5.nóvember

Við horfðum á fræðslumynd um lotukerfið og svöruðum spurningum í leiðinni. T.d. lærðum við um málma, hvernig lotukerfið varð til og hver uppgvötaði það og bjó það til. Í lokin fórum við bekkurinn í hengimann.

Fimmtudagurinn 6.nóvember

Við gerðum margt skemmtilegt. Við horfðum á myndbönd með slow mo guys á youtube og fórum í keppni á Kahoot í ipödunum allt tengt efnafræði. Kahoot virkar þannig að Gyða býr til spurningar og stjórnar kerfinu í tölvunni og við förum í keppni og svörum spurningunum (við fáum ákveðinn tíma til að klára að svara hverri spurningu). Það koma fjórir svarmöguleikar og eitt af þeim er rétt. Þetta var mjög skemmtilegt. :)

Frétt: samsíða yfir milljarða ljósára

 

 

0

27.-30.október

Mánudagurinn 27.október

Við fórum yfir og kláruðum blað sem við fengum í síðasta tíma. Þar áttum við að merkja inn á frumefni: rafeindir (e-), róteindir (p+) og nifteindir (n0). Við skoðuðum líka jónir, hleðslu frumeinda og efnahvörf . Í lok tímans kíktum við á blogg og fréttir :)

Miðvikudagurinn 29.október

Við fórum í stöðvavinnu og áttum að velja nokkrar stöðvar af 17 sem voru í boði. Við drógum í hópa og ég lenti með Laufey í hóp. Við gerðum stöðvar nr.1,(3),6,8,9,(11 og 14),16 og 17 (minnir mig).

Stöðvar:

  • 1.áttum að leysa allskonar þrautir úr eldspýtum.
  • (3.)tölvuverkefni síðan var einhvað biluð.
  • 6.áttum að svara 20 spurningum allt tengt efnafræði.
  • 8.skiptumst á að spurja spurningar og annað sem var á litlum miðum.
  • 9.náðum bara að gera krossglímuna. Krossglíma: finnur gott orð og krossar svo önnur orð inn í hitt orðið (öll orðin hugtök úr efnafræði).
  • 11.-14. bilað
  • 16.áttum að svara 20 spurningum, allt um sætistölur og massatölur.
  • 17.Tilraun: settum matarsóda ofan í blöðru og mældum líka edik ofan í svona mæliglas og svo settum við blöðruna ofan á glasið og þá blés blaðran út. Við gerðum stutta skýrslu þar sem við skrifuðum aðferð, útskýringar og niðurstöður.

Fimmtudagurinn 30.október

Við tókum stutta satt eða ósatt-könnun. Við töluðum aðeins saman og kíktum á fræðslumynd, blogg og fréttir.

Smá frétt:

http://www.mbl.is/frettir/innlent/2014/11/03/tali_ekki_bara_um_hlynunina/

0

20.-23.október

Mánudagurinn 20.október

Við héldum áfram í efnafræðinni. Við kíktum á glærur sem var allt tengt efnafræði, hugtök úr efnafræði, aðeins á lotukerfið o.fl. Við skoðuðum líka myndbönd og fréttir sem mér fannst mjög athyglisvert.

Miðvikudagurinn 22.október

Við fórum í stöðvavinnu og áttum að leysa/vinna nokkrar stöðvar. Ég var með stelpunum (Laufey og Ragnheiði) í hóp. Við tókum stöðvarnar a,e,g og h.

  • A:Við áttum að laga te. Við prófuðum bæði að nota heitt og kalt vatn. Teið með heita vatninu var miklu fljótara að fá lit heldur en það kalda og heita teið var með miklu meira bragð.
  • E: Við áttum að gera krossglímu. Krossglíma er þannig að maður finnur einhvað orð (helst langt orð og tengt efnafræði) og finnur mörg orð út úr stöfunum í orðinu sem þú valdir
  • G: áttum að svara spurningum og leysa verkefni úr Efnisheiminum.
  • H: Á stöðinni var mólíkúl. Við fengum allskonar kúlur og dót sem við áttum að byggja frumefni úr og teikna svo í stílabókina.

Fimmtudagurinn 23.október

Við héldum áfram að vinna með lotukerfið og fengum blað með 18 frumefnum, sem við áttum að merkja inn á: róteindir (p+), nifteindir (n0) og rafeindir (e-). Róteindir eru með jákvæða hleðslu og eru í kjarnanum. Nifteindir eru ekki með neina hleðslu en þær eru líka inn í kjarnanum. Rafeindir eru með neikvæða hleðslu og eru  á rafeindahvolfum, umhverfis kjarnann. Rafeindir og róteindir eru jafn margar og sætistala frumefnisins segir til um fjölda þeirra. Rafeindir skiptast á rafeindahvolf sem eru 1, 2 eða 3. Á fyrsta hvolfið komast tvær rafeindir, á annað hvolfið komast átta og eins á þriðja hvolfinu (8).

Dæmi: Ef að sætistala frumefnis væri 6 þá væru 6 róteindir inn í kjarnanum og 6 rafeindir umhverfis kjarnann (2 á fyrsta hvolfi og 4 á öðru hvolfi). Svo tekur þú massatöluna og mínusar sætistöluna frá og þá færðu fjölda nifteinda (sem eru inn í kjarnanum).

Fréttir og annað:

http://www.mbl.is/frettir/taekni/2014/10/28/sukkuladi_baetir_minni_folks/

0

6. – 9. október

Mánudagurinn 6. október.

Við byrjuðum á að fara yfir könnunina sem við tókum í síðastliðinni viku. Í könnuninni voru atriði sem við vorum búin að læra í þessum hlekk, plöntufrumur og dýrafrumur, frumlíffæri og hlutverk frumulíffæranna. Við máttum nota hugtakakortið og gátum því notað glósurnar sem við höfðum skrifað á kortið. Lægsta einkunnin í þessari könnun var 6 þannig að bekknum gekk mjög vel í könnuninni. Eftir þetta skoðuðum við nokkrar fréttir og lærðum betur að setja inn linka og myndir. Í lok tímans áttum við að gera sjálfsmat á því hvernig okkur gekk í hlekknum og annað.

Miðvikudagurinn 8. október.

Þessi tími er seinasti tíminn í þessum hlekk. Í tímanum fórum gerðum við smásjártilraun og æfðum okkur betur í að nota smásjá. Við fengum að skoða millimetrapappír, þunna himnu af lauk og nautasæði.

Við skoðuðum fyrst pappírinn og áttum að sjá hann í mismunandi stækkunum. Mér gekk frekar vel að skoða pappírinn. Fyrst sá ég fjórar línur sem skárust, svo í næstu stækkun sá ég tvær línur í kross og síðast sá ég eina frekar óskýra línu. Ég skoðaði næst laukinn í mismunandi stækkunum. Fyrst sá ég frekar litlar rendur, síðan í næstu stækkun sá ég stærri rendrur og með lengra bili á milli. Í seinustu stækkuninni sá ekkert nema svart. Við settum ekki vatn á laukinn heldur bláan vökva sem er dálítið eins  og matarlitur. Að lokum prófuðum við að skoða nautasæðið en það gekk ekkert svo vel. Ég sá eittthvað mjög óskýrt en sá í raun ekki sæðið.

Þegar við vorum búin með smásjártilraunina punktuðum við niður  það sem við gerðum og sáum.

Fimmtudagurinn 9. október

Við skrifuðum skýrsluna og notuðum punktana frá því daginn áður. Gyða sýndi okkur hvernig ætti að skrifa svona skýrslu. Hún sýndi okkur dæmi um smásjárskýrslu og við skrifuðum það helsta sem hún var búin að skrifa. Byggingin sem við áttum að nota var inngangur, framkvæmd og niðurstöður.