Laufey Helga
:)

Mánudagurinn 16. nóvember 

Á mánudaginn byrjuðum við á nýjum hlekk, stjörnufræði. Við ræddum viðfangsefni hlekkjarins og verkefnin sem eru í honum. Við eigum m.a. að gera kynningu um eitthvað eitt fyrirbæri í geimnum, t.d. eina af reikistjörnunum, vetrarbrautina okkar, sólina, tunglið og margt fleira. Þetta er einstaklings verkefni og það tekur enginn það sama fyrir. Þegar rúmlega helmingur var eftir af tímanum fengum við iPada og áttum að lesa okkur til um nokkur af þessum fyrirbærum en á stjörnufræði vefnum er mjög góð umfjöllun um allt það sem við getum uvalið um.

Þriðjudagurinn 17. nóvember

Á þriðjudaginn féll tíminn niður vegna menningarferðar. En í ferðinni fóru 9. og 10. bekkur til Reykjavíkur. Við fórum fyrst á Náttúrugripasafn Kópavogs og skoðuðum allskonar dýr, steina og skeljar. Það voru bæði lifandi og dauðir fiskar sem var mjög flott að sjá. Þegar við vorum búin að skoða safnið fengum við frjálsan tíma í Kringlunni sem var mjög gaman. Eftir það fórum við á Sjóminjasafnið og fórum á sýninguna um sjókonur. Eftir það skoðuðum við varðskipið Óðinn sem var mjög flott en skipið var smíðað í Álaborg í Danmörku árið 1959. Skipið er 910 tonn að stærð, 63 metrar að lengd og 10 metrar á breidd. Óðinn tók þátt í öllum þremur þorskastríðunum en öflugasta vopnið var 57mm fallbyssa sem er staðsett á palli fyrir framan brúna. Þekktasta og árangursríkasta vopnið sem notað var í þorskastríðunum voru þó togvíraklippurnar sem eru á afturdekki skipsins. (Meira um skipið)

Fimmtudagurinn 19. nóvember

Ég var veik og fór ekki í skólann en krakkarnir fengu tíma í tölvuverinu til þess að skoða meira um stjörnur og eitthvað þannig fyrir kynningarverkefnið. Þau áttu líka að finna forrit til þess að kynna verkefnið.

Fréttir

Jörðin appelsínugul í fortíðinni 

 

 

 

 

Mánudagurinn 9. nóvember 

Á mánudaginn var fyrirlestratími og við tókum allt þetta fyrir:

  • Hreyfing: Breyting á staðsetningu eða stöðu hlutar.
  • Vegalengd: Er fjarlægð milli staða.
  • Ferð: Hraði hlutar þegar það er ekki tekið tillit til stefnu hans.
  • Ferð í ákveðna stefnu kallast hraði.
  • Hraði: Segir bæði til um ferð og stefnu hlutar. Hraði getur bæði verið mældur í m/s (metrar á sekúndu) eða km/klst (kílómetrar á klukkustund). Hraði= Vegalengd ÷ tíma. Þegar hraði tveggja hluta er í sömu stefnu leggst hraðinn saman, en ef hraði þeirra er í gagnstæða stefnu þarf að notast við frádrátt.

Svo fórum við vel yfir hröðun vegna þess að við vorum að fara að gera hröðunar tilraun.

  • Hröðun: Hraðabreyting hlutar á tímaeiningu er hröðun.
  • Hröðunarformúla:
    lokahraði – upphafshraði
               Tími
  • Dæmi um hröðun: Hlutur hefur upphafshraðann 10 m/s og eykst í 25 m/s á 10 sekúndum. Hver er hröðunin?
    Svar: 1,5 m/s² (sekúndur í 2. veldi vegna þess að þú deilir metrum á sekúndu í sekúndurnar, (x•x=x²))
  • Neikvæð hröðun: Þegar hraðaminnkun á sér stað.
  • Jákvæð hröðun: Þegar hraðaaukning á sér stað.
    Glósur frá kennara.

Þriðjudagurinn 10. nóvember

Á þriðjudaginn framkvæmdum við hröðunartilraunina. Hérna er skýrslan og það stendur allt sem við gerðum í tilrauninni í henni. En í stuttu máli þá rúlluðum við tennisbolta 20 metra (merktum 5 metra á milli) og tókum tímann á hverju tímabili og reiknuðum hröðun boltans út frá tímanum og vegalengdinni.
Skýrlsa

Fimmtudagurinn 12. nóvember

Á fimmtudaginn fengum við tíma til að vinna í skýrslunni. Ég var í hóp með Helgu Margréti, Einari Ágústi og Bartek. Við prófuðum að vinna öll í sama skjalinu í einu inná word online og það var mjög skrýtið og fyndið í byrjun en þegar við fórum að venjast því var það bara gaman og skýrslan var mjög fljót að taka á sig mynd því að allir voru að vinna í henni í einu. Síðan fengum við út úr dýrafræði ritgerðinni og ég var mjög ánægð með útkomuna.

Fréttir:

Spá allt að 30°C hitasveiflu.

Tungl Mars að sundrast.

Myndband:

Það sem kettir hræðast 😂

 

 

Mánudagurinn 2. nóvember

Á mánudaginn var ég veik en krakkarnir fengu held ég kynningu um lögmál Newtons. Hér er umfjöllun um það á Vísindavefnum.

Þriðjudagurinn 3. nóvember

Ég var ennþá veik en krakknir fóru í eðlisfræði stöðvar.

Fimmtudagurinn 5. nóvember

Við tókum eitt stykki eðlisfræði kahoot og tókum svo uppáhalds kahootið okkar, jólakahootið sem við gerðum í fyrra.

Frétt

Fundu nýja, ískalda plánetu

Mánudagurinn 26. október og þriðjudagurinn 27. október.

Þessa tvo daga var ég ekki í skólanum vegna New york ferðarinnar. Vegna þess að ég var í útlöndum ætla ég aðeins að blogga um flugið. Þegar vélin (Boeing 757)  fór af stað fór hún á ca 260 km. hraða sem fór svo vaxandi upp í rúmlega 690 km/klst. Frá Keflavíkurflugelli til JFK (Jhon F. Kennedy) flugvallarins sem við lentum á, í New york, var flugið 6 klst. Við lendingu var hraði vélarinnar svipaður og þegar hún fór af stað. Þegar vélin var komin uppí loftið þá var hún í 34000 feta hæð eða um 11 km.

Heimild um hraða

Heimild um fjarlægð

Pabbi minn sem er flugmaður sagði mér hversu hátt við flugum því að ég fann það ekki.

Fimmtudagurinn 29. október

Gyða talaði aðeins við krakkana um einhverja skýrslu sem þau eru að gera um tilraun um sem ég missti af. Þegar þau fóru að gera skýrsluna lagaði ég bloggsíðuna mína.

Myndband:

Harlem globetrotters video