Vikan

Síðasta vika er búin að vera soldið mikið út um allt. Á mánudaginn kláruðum við glærusakkann sem við fengum í síðustu viku, skoðuðum blogg hjá nokkrum og fræddumst aðeins um demanta. Á fimmtudaginn skoðuðum við restina af bloggunum, gerðum nemendaspurningar fyrir prófið og fórum aðeins yfir námsáætlun fram að jólum og hvernig prófið verður sett upp. Síðan máttum við bæta hugtakakortið okkar, því við megum vera með það í prófinu, eða horfa á fræðslumynd sem var í gangi. Á föstudaginn vorum við í tölvuveri þar sem við fengum spurningar sem við áttum að svara. Það náði reyndar enginn að klára því þær voru nokkuð margar, en allir gerðu eins vel og þeir gátu.

Hér á eftir er verkefnið sem er einnig hægt að finna inná verkefnabankanum mínum

SPURNINGARNAR
1.  HVER GAF ÚT FYRSTA J ARÐFRÆÐIKORTIÐ Á ÍSLANDI OG HVENÆR?
2.  HVAÐ SÝNA JARÐFRÆÐIKORT?
3.  HVAÐ TÁKNAR GULI LITURINN Á ÞESSU KORTI?
4.  HVAÐ ER STEIND?  NEFNDU DÆMI UM HVERNIG ÞÆR ERU FLOKKAÐAR.
5.  HVAÐA NÝJA ÍSLENSKA STEIND FANNST FYRIR NOKKRUM ÁRUM?
6.  HVAÐ ER MERKILEGT VIÐ MÓBERG?
7.  SEGIÐ FRÁ MYNDUN SURTSEYJAR.
8.  SEGÐU FRÁ FLOKKUN BERGS.

SVÖRIN
1.  Fyrsta jarðfræðikortið var gefið út árið 1962 af Guðmundi Kjartanssyni
2.  Jarðfræðikort sýna aldur og gerð þeirra jarðlaganna sem Ísland er gert úr. Þau sýna líka
atriði sem tengjast uppbyggingu landsins, eins og gíga og brotalínur auk annarra þátta
s.s. jarðhita, steingerfinga, halla og fl.
3.  Öll gulu litbrigðin á jarðfræðikortinu tákna eitthvað súrt.
4.  Steind er náttúrulegt, einslegt, fast efni sem hefur ákveðna efnasamsetningu og
frumeindirnar í því hafa skipulega röðun. Þær eru yfirleitt myndaðar í ólífrænum ferlum.
Það má flokka steindir á ýmsa vegu. T.d. má skipta þeim í frumsteindir og síðsteindir.
  Frumsteindir myndast þegar bergkvika storknar við myndun bergs.
  Síðsteindir myndast þegar bergið ummyndast.
5.  Cavansít fannst árið 2001 í fyrsta sinn á Íslandi. Það er skærblá steind sem er afar
sjaldgæf, það eru bara tveir aðrir staðir í heiminum þar sem hún hefur fundist.
6.  Móberg verður til við gos undir vatni eða jökli þar sem gosopið er nálægt yfirborðinu.
Þar er þrýstingurinn ekki nógu mikill til að halda kvikunni niðri svo að hún brýst upp á
yfirborðið í gufusprengingum og verður að gosösku, sem er glersalli.
http://is.wikipedia.org/wiki/M%C3%B3berg_(jar%C3%B0fr%C3%A6%C3%B0i)
7.  Surtsey myndaðist við eldgos árin 1963 – 1967. Fyrst voru mikil sprengigos og mikið af
gjósku myndaðist, en svo byrjuðu hraungos. Surtsey er því mjög svipuð
móbergsfjöllunum sem mynduðust undir jöklunum á ísöld.
8.  Þrír megin hóparnir sem berg flokkast í eru storkuberg, setberg og myndbreytt berg.
Stærstur hluti af Íslandi er storkuberg, setberg er á 8-10 % af rúmmáli landsins en
myndbreytt berg finnst ekki á landinu. Storkuberg skiptist svo í gosberg og djúpberg sem
er flokkað eftir steinda- og efnasamsetningu bergsins. Gosberg myndast við storknun
bráðinnar bergkviku á yfirborði jarðar en djúpberg storknar djúpt í jarðskorpunni.
Gosberg er ríkjandi á Íslandi vegna þess hve landið er ungt og lítið

Hvernig verða demantar til í náttúrunni ?

Demantar eru hreint kolefni rétt eins og grafít þó þessi tvö efni séu mjög ólík bæði í útliti og eiginleikum. Demantar hafa myndast í möttli jarðar á 120-200 km dýpi. Á þessu dýpi getur efni sem inniheldur kolefni verið bráðið en við afar sérstakar aðstæður, mjög mikinn þrýsting eða 45-60 kílóbör og hita á bilinu 900° – 1300°C geta atóm kolefnis raðast upp þannig að til verður demantur, sem er fast efni. Meira um þetta (frá Vísindaveftnum).

Tunglmyrkvi

Í tilefni af tunglmyrkvanum sem var á síðasta laugardag, sem ég missti því miður af, ætla ég að setja inn grein af vísindavefnum um muninn á milli nýju tungli og tunglmyrkva.

Tagged: on Mánudagur, desember 12, 2011 · No Comments »