Ásamt vespum og býjum eru maurar í ættblálki æðvængna. En ólíkt frændliði sínu hafa fæstir maurar vængi. Maura er að finna í mörgum heimshlutum, flesta þó í hlýjum eða heitum löndum. Meira en 9000 maurategundir hafa fundist víðsvegar um heiminn. Allir maurar lifa í fjölbýli. Í sumum maurabúum eru þúsundir íbúa. Sumir hreiðra sig uppi í trjám, en flestir búa neðanjarðar. Maurar eru smávaxnir. Flestir eru um sentímetri á lengd. en sumir aðeins einn millímetri. Lifnaðarhættir maura eru undraverðir á margan hátt. Sumir halda skordýr, eins og blaðlýs, sem húsdýr og lifa á sætum vökva sem þau gefa af sér. Aðrir hneppa maura annarra tegunda í ánauð.