Björgvin Viðar Jónsson

Byrjuðum á nýjum hlekk sem tengist  Eðlisfræði og fjallar um Rafmagn og Orku.  Það var klassískur fyrirlestur á mánudeginum og svöruðum við einnig upprifjunum úr kennslubók. Það var síðan stöðvavinna á fimmtudaginn og kláruðum við vikuna með léttri könnun þar sem við máttum hafa hugtakakort :d gaman að því.

Stöðvavinnan

Unnum í pörum og tókst okkur Ara að gera eitt og annað bara..

Stöð 1

Við byrjuðum á því að fara í tölvu og skoða svo kölluð phet forrit og þar voru leikir sem útskýrðu rafhleðslu, rafstraum og hvernig rafmagn er búið til

Stöð 2

Fórum inn á landsvirkjun.is og skoðuðum ýmis hugtök og hér eru nokkur sem við skilgreindum :

Afl:  Lýsir því hve mikil orka streymir á hverri tímaeiningu. Því segir aflið til um hversu hratt orkan kemur eða fer. Við það að hita vatn á lítilli eldavélarhellu er notað lítið afl. Stór eldavélarhella notar hins vegar mun meira afl. Áður fyrr var mælieiningin hestöfl oft notuð til að lýsa vélarafli en mælieiningin Wattt hefur víðast hvar leyst hana af hólmi.

Forgangsorka : Forgangsorka er sú orka sem orkusali skuldbindur sig til að hafa ætíð til reiðu.

Hverfill : Rafmagnið verður til í hverflinum í orkuverum. Hverfillinn situr á öxli sem í vatnsaflstöðvum er oftast lóðréttur. Neðst á honum er vatnshjólið sem vatnið knýr. Á hinum enda öxulsins er rafalinn. Á honum sitja öflug segulstál sem snúast hratt. Í kringum segulstálin eru koparvafningar. Snúningurinn á segulstálunum kemur elektrónunum á hreyfingu og þar með verður rafstraumurinn til.

Spenna : Spennu á rafkerfi má líkja við þrýsting í vatnskerfi þar sem þrýstingurinn á vatninu samsvarar rafstraumnum. SI mælieining er Volt (V), nefnd eftir ítalska eðlisfræðingnum Alessandro Volta.

Straumur : Straum í rafkerfi má líkja við rennsli í vatnskerfi. Mælieining fyrir straum er Amper (A), nefnd eftir franska eðlisfræðingnum André-Marie Ampère.

Stöð 10, Corpfix

Corpfix er verkefni sem gengur út á það að ráðast í aðgerðir til að draga úr losun koltvísýrings (co2) sem er ein af þeim lofttegundum sem myndar gróðurhúsa áhrif.  Aðalhugmyndir sem þeir hafa er að dæla honum langt niður í bergið ofan í jörðinni. Við vorum á þeirri skoðun að þetta væri nú hálf ólíklegt til árangurs en það kemur í ljós

Stöð 4:p

Unnum 2 verkefni, annað var um hleðslu, fráhrindikraft og aðdráttarkraft og hitt verkefnið var um gallaða straumrás sem við áttum að laga og útskýra aðeins.

Að lokum gerðum við eina stöð var tilraun, þá ætluðum við að búa til rafmagn, það gekk engan vegin og ég er engu nær hvernig þetta hefði átt að virka !

…